डाक्टरविहीन जिल्ला अस्पताल

रिपोर्ट नेपाल | 2019 Nov 07 | 10:10 am 44

सोलुखुम्बु, कात्तिक २१: कर्मचारी समायोजनपछि जिल्ला अस्पताल फाप्लु डाक्टरविहीन बनेको छ । डाक्टरहरु सरुवा भएसँगै अस्पताल डाक्टरविहिन बनेको हो । अस्पतालमा कार्यरत डाक्टर रमिन महर्जनले गत सोमबार जिल्ला छोडेपछि अस्पताल डाक्टरविहीन भएको छ । अन्य डाक्टरहरुले यस अघि नै जिल्ला छोडेर गइसकेका छन् ।

उक्त जिल्ला अस्पताल अहिले करारका स्वास्थ्य सहायकले सञ्चालन गरिरहेका छन् । सामान्य बिरामी हुँदासमेत जिल्ला बाहिर जानुपर्ने सोलुखुम्बुवासीको बाध्यता बनेको छ । डाक्टर नभए पछि जिल्ला अस्पतालमा बिरामी आउनै छोडेका छन् । पहिले दैनिक ६०–७० जनाको हाराहारीमा बिरामी आउने आस्पतालमा सेवाग्राही आउनै छाडेको अस्पतालले जानकारी दिए ।

स्वास्थ्य चौकी र जिल्ला अस्पतालमा उपलब्ध सेवामा कुनै फरक नपाएपछि यहाँका नागरिकले सास्ती खेप्नुपरेको छ । यस विषयमा सर्वसाधरणदेखि विभिन्न सञ्चार माध्यममा समाचार प्रशारण प्रकाशन भएपछि जिल्ला प्रशासन कार्यालय सोलुखुम्बुले समेत चासो व्यक्त गरेको छ । चिकित्सको व्यवस्था गरिदिन प्रदेश नम्बर १ को मख्यमन्त्री तथा मन्त्रिपरिषदको कार्यालयमा पत्र पठाइएको प्रमुख जिल्ला अधिकारी बेदनिधि खनालले जानकारी दिए।

पत्रमा मानसिक रोगीलाई पनि जिल्लामा नै उपचारको व्यवस्था मिलाउन आवश्यक व्यवस्था मिलाइदिन अनुरोध गरिएको छ । तर पत्रको जवाफ भने आएको छैन ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.