डब्ल्यूएचओकाे अनुसार लकडाउन हतारमा हटाए स्थिति झनै भयावह हुने चेतावनी

रिपोर्ट नेपाल | 2020 Apr 11 | 02:44 pm 72

काठमाडाैं, चैत २९ः विश्व स्वास्थ्य संगठन (डब्ल्यूएचओ) का प्रमुख टेड्रोस अदोनम गिब्रियससले कोरोना संक्रमण रोकथाम गर्न लगाइएको लकडाउन हतारमा हटाए स्थिति झनै भयावह हुने बताएका छन्।

लकडाउन अन्त्य गर्नेबारे संसारभरका मुलुकहरु सतर्क रहनुपर्ने उल्लेख गर्दै अदोनमले अहिलेकै अवस्थामा यसलाई अन्त्य गरे संक्रमणका कारण कैयौं मानिसहरुले ज्यान गुमाउने अवस्था आउनेतर्फ सचेत गराएका हुन् ।

जेनेभामा आयोजित पत्रकार सम्मेलनमा वक्तव्य दिँदै अदोनानले भनेका छन्,  हामीले लकडाउनका कारण भएको समस्या कम गर्न विश्वभरका सरकारहरुसँग काम गरिरहेका छौं, तर यसलाई हटाउन हतारो गर्नु हुँदैन, जल्दबाजी गरेर लकडाउन हटाए विश्वभर यसका कारण मर्नेको संख्या निकै बढ्नेछ।

काेराेना संक्रमणले अहिले विश्वभर महामारीको रुप लिइसकेको छ। विश्वभर भेटिएका १६ लाख ९९ हजार ६ सय ३१ जना संक्रमित मध्ये अहिलेसम्म १ लाख २ हजार ७ सय ३४ जनाले ज्यान गुमाइसकेका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.