जाजरकोटमा एक सुत्केरीको मृत्यु

रिपोर्ट नेपाल | 2020 Jul 23 | 11:17 am 99

जाजरकोट, साउन ८ः सुत्केरी भएको पाँच घण्टापछि जाजरकोटमा एक महिलाको मृत्यु भएको छ । मृत्यु हुनेमा जिल्लाको बारेकोट गाउँपालिका वडा नं ७, सुवाकोटकी २१ वर्षीया मनकुमारी परियार रहेका छन् ।

उनको स्वास्थ्य चौकी सेपुखोलामा मृत्यु भएको हो ।

स्वास्थ्य चौकी सेपुखोलाकी अनमी मीरा शाहीले सामान्य अवस्थामा सुत्केरी भएको र सुत्केरी भएको केही समयपछि पेट दुखेर एकाएक रक्तचाप बढेको र उपचार गर्दागर्दै मृत्यु भएको बताइन् । बच्चाको स्वास्थ्य अवस्था सामान्य रहेको छ ।

बारकोटको सेपुखोला स्वास्थ्य चौकीमा २०७५ देखि अहिलेसम्म ९ सय ९२ जना सुत्केरी आमाहरुले सेवा लिएका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.