घुस लिँदालिदै वडाध्यक्ष र कार्यालय सहयोगी अख्तियारको नियन्त्रणमा

| 2020 Feb 26 | 05:58 pm 95

रुपन्देही, फागुन १४: जिल्लाको छुट्टाछुट्टै स्थानबाट घुस रकमसहित वडाध्यक्ष र कर्मचारी पक्राउ परेका छन् ।

पक्राउ पर्नेमा सम्मरीमायी गाउँपालिका ५ का वडाध्यक्ष श्रवणकुमार यादव रहेका छन् । उनलाई ७० हजार घुससहित पक्राउ गरिएको अख्तीयार दुरुपयोग अनुसन्धान आयोगको बुटवल कार्यालयले जनाएको छ ।

यादवले चौकिल्ला सिफारिस गरिदिने भन्दै घुस लिँदै गरेको अवस्थामा बुधबार दिउँसो पक्राउ परेको अख्तियार बुटवल कार्यालयका सूचना अधिकारी सुरेश भुसालले बताए ।

त्यसैगरी, उच्च सरकारी वकिलको कार्यालय बुटवलका एक कर्मचारी पनि घुससहित पक्राउ परेका छन् ।

पक्राउ पर्नेमा उक्त कार्यालयका कार्यालय सहयोगी महेन्द्र यादव रहेका छन् । उनी १५ हजार घुससहित पक्राउ परेका हुन् ।

बन्दिप्रत्यक्षीकरणको मुद्दामा सहजीकरण गरिदिने भन्दै सेवा ग्राहीबाट घुस लिँदै गरेको अवस्थामा बुधबार यादवलाई पक्राउ गरेको अख्तियारको बुटवल कार्यालयले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.