गुल्मी धुर्कोटमा गठबन्धनबाट अध्यक्षमा भण्डारी

| 2022 Apr 22 | 11:24 am 1089

गुल्मी, बैशाख ९ः आगामी बैशाख ३० गते सम्पन्न हुने स्थानीय तहको निर्वाचनमा गुल्मीको धुर्कोट गाउँपालिकाको अध्यक्ष पदमा गठबन्धन दलका तर्फबाट नेपाली कांग्रेसका युवा नेता महेन्द्र प्रसाद भण्डारी सर्वसम्मत चयन भएका छन् ।

२०३६ सालमा तत्कालिन विद्यार्थी नेता सुनिल श्रेष्ठको हातबाट सदस्यता लिएर लोकतान्त्रिक धारको राजनीतिमा होमिएका भण्डारी अहिलेसम्म सकृय छन् ।

२०४२ सालमा नेविसंघ गुल्मीको सदस्यमा रहेका उनी २०५० सालमा रेसुङ्गा बहुमुखी क्याम्पसको स्ववियु सभापतिमा निर्वाचित भएका थिए । २०५२ सालमा भएको नेविसंघको सातौं महाधिवेशनमा सभापति बनेका भण्डारी २०५८ सालमा केन्द्रीय उपाध्यक्ष बनेका थिए ।

नेपाली कांग्रेसको दशौं महाधिवेशन देखि चौधौंसम्म उनी अनवरत महाधिवेशनमा निर्वाचित भएका थिए ।

नेपाल रेडक्रस सोसाइटी देखि विभिन्न सामाजिक संघ संस्था मार्फत समाजसेवामा होमिएका भण्डारी त्यस भेगमा चर्चित छन् । जसरी यस अघिको नेतृत्वले धुर्कोटलाई देश विदेशमा चिनायो आफूले पनि कमी हुन नदिने र विकासलाई अझ बढी तिब्रता दिने कुरा अध्यक्ष पदका प्रत्याशी भण्डारीले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.