कर्णालीमा तुइन तरेको १ सय भाडा

रिपोर्ट नेपाल | 2020 Feb 12 | 08:13 am 202

हुम्ला, माघ २९: सरकारले तुइन विस्थापित गर्दै झोलुङ्गे पुलका योजना अघि सारेको दुई वर्ष भइसक्यो । हुम्लाको खार्पुनाथ गाउँपालिकाका लागि अझै विकल्प छैन।

कर्णाली नदी तर्न बोक्चेगौडाका गाउँलेले तुइनकै भर पर्नुपर्छ। त्यो पनि निःशुल्क होइन, प्रतिव्यक्ति १ सय रुपैउयाँ तिरेर। सय रुपैयाँ तिरेर तुइबाट वारिपारि गर्नेहरुले सामान तारेबापत थप ५० रुपैयाँ तिर्नुपर्छ। कर्णाली नदीमा बाह्रै महिना बहाव उच्च हुने भएकाले पानी छिचोलेर तर्न सकिँदैन।

खार्पुनाथका अधिकांश वडाका बासिन्दाले गाउँपालिकाको केन्द्र याङ्चु पुग्न तुइबाट कर्णाली तर्नुपर्छ। उक्त तुइनकै बाटो भएर थाली, राया, छिप्रा र कारामलगायत गाउँका बासिन्दा याङ्चु र छिमेकी जिल्लाहरु जुम्ला, बाजुरा पुग्ने गरेको छ।

स्थानीय व्यापारीले सदरमुकाम सिमकोट टाढा हुँदै दैनिक उपभोग्य सामग्री तथा खाद्यान्न जुम्ला र बाजुराबाटै ल्याउने गरेका छन्। कान्तिपुर दैनिकबाट

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.