एक युवाकले गरे दाइको सासुको हत्या

रिपोर्ट नेपाल | 2019 Apr 09 | 02:03 pm 49

कञ्चनपुर, चैत्र २६ : जिल्लाको लालझाडी गाउँपालिकामा एक युवकले दाइकी सासुको हत्या गरेका छन् । एक आपसमा विवाद हुँदा युवकले कोदालो प्रहार गरी हत्या गरेको प्रहरीले जनाएको छ ।

लालझाडी गाउँपालिका १ बिनावारीका ५० वर्षीया बासमति रानालाई सोही गाउँका २५ वर्षीय निरज रानाले कोदालो प्रहार गरी हत्या गरेका हुन् ।

आपसी विवादमा हत्या गरेको देखिएको जिल्ला प्रहरी कार्यालय कञ्चनपुरका प्रहरी प्रवक्ता डीएसपी ज्ञानबहादुर विष्टले जानकारी दिए ।

कोदालो प्रहार गरी हत्या गर्ने निरज रानालाई प्रहरीले पक्राउ गरी आवश्यक अनुसन्धान प्रक्रिया अघि बढाएको छ । जिल्ला अदालतबाट म्याद थप गरेर अनुसन्धान अघि बढेको प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.